Latest News
News
የሳውላ ፖሊቴክኒክ ኮሌጅ የISO 21001:2025 የትምህርት ተቋማት አመራር ሥርዓት (EOMS) የሥራ አመራር ግምገማ ስብሰባ አካሄደ!
ሣዉላ፡-ጥቅምት 16/2019 ዓ.ም
ዛሬ የሳውላ ፖሊቴክኒክ ኮሌጅ የISO 21001:2025 የትምህርት ተቋማት አመራር ሥርዓት (EOMS) ትግበራን ለማጠናከር ...
ሣዉላ፡-ጥቅምት 16/2019 ዓ.ም
ዛሬ የሳውላ ፖሊቴክኒክ ኮሌጅ የISO 21001:2025 የትምህርት ተቋማት አመራር ሥርዓት (EOMS) ትግበራን ለማጠናከር እና የትምህርትና ሥልጠና ጥራትን ለማሻሻል ያለውን ቁርጠኝነት በማሳየት የሥራ አመራር ግምገማ ስብሰባ አካሂዷል። በስብሰባውም የEOMS ትግበራ ሂደት ተገምግሟል፤ የአመራር ሥርዓቱ ውጤታማነት ተመልክቷል፤ ያጋጠሙ ተግዳሮቶችና ሊሻሻሉ የሚገቡ ጉዳዮች ተለይተዋል፤ የቀጣይ ሥራዎችን ለማሻሻል የሚያስችሉ አቅጣጫዎችም ተወያይተውባቸዋል። ይህ ሂደት ኮሌጁ ለጥራት ማረጋገጥ፣ ለቀጣይ መሻሻል፣ ለተጠያቂነት፣ ለባለድርሻ አካላት እርካታ እና ለተማሪዎች፣ ለኢንዱስትሪውና ለማኅበረሰቡ ፍላጎት የሚመጥን ብቃትን መሠረት ያደረገ የቴክኒክና ሙያ ትምህርትና ሥልጠና (TVET) አገልግሎት ለመስጠት ያለውን ቁርጠኝነት ያረጋግጣል።
ሳውላ ፖሊቴክኒክ ኮሌጅ ከTVET ስትራቴጂና ከISO 21001:2025 መርሆዎች ጋር በማጣጣም የጥራት ባህልን፣ የሙያ ብቃትንና ቀጣይነት ያለውን መሻሻል ለማስፈን በቁርጠኝነት ይሠራል።
Sawla Polytechnic College Conducts Management Review Meeting on ISO 21001:2025 EOMS
Sawla – October 26, 2026
Today, Sawla Polytechnic College successfully conducted a Management Review Meeting as part of its ongoing commitment to the implementation of ISO 21001:2025 – Educational Organizations Management System (EOMS).
The meeting provided an important opportunity for the college management to review the progress of EOMS implementation, evaluate the effectiveness of the management system, identify challenges and areas for improvement, and discuss strategic actions to enhance the quality of education and training services. This initiative demonstrates the college's commitment to quality assurance, continuous improvement, accountability, stakeholder satisfaction, and the provision of competency-based technical and vocational education and training (TVET) that responds to the needs of learners, industry, and the community.
Sawla Polytechnic College remains committed to building a culture of quality, excellence, and continuous improvement in line with the TVET strategy and the principles of ISO 21001:2025.
We strive for skills excellence.
#SawlaPolytechnicCollege #ISO21001: 2025 #EOMS #QualityEducation #TVET #ContinuousImprovement #SkillsExcellence
News
አስደሳች ማስታወቂያ፡- ለሣውላና አካባቢው ማህበረሰብ በሙሉ
የሣውላ ፖሊ ቴክኒክ ኮሌጅ በ2019 ዓ/ም አዲስ መደበኛ ሠልጣኝ ቅበላን በተመለከተ ከዚህ በታች በተጠቀሱ ሙያ መስኮች በቀን መደበኛ ሥልጠና መርሃ ግብር ለሙያ...
የሣውላ ፖሊ ቴክኒክ ኮሌጅ በ2019 ዓ/ም አዲስ መደበኛ ሠልጣኝ ቅበላን በተመለከተ ከዚህ በታች በተጠቀሱ ሙያ መስኮች በቀን መደበኛ ሥልጠና መርሃ ግብር ለሙያ ደረጃው በተቀመጠው ሥልጠና ሰዓት በ2018 ዓ/ም ኢንትራንስ/12ኛ ክፍል ተፈታኞችን ተቀብሎ የሙያ ባለቤት ለማድረግ ቅበላ ከቀን 9/02/2019 ዓ/ም ---19/02/2019 ዓ/ም ድረስ ብቻ ከዚህ በታች በተቀመጠው ሙያ መስክ እና ምዝገባ መስፈርት ሠልጣኞችን ይቀበላል።
News
የ2019 ዓ.ም የሳውላ ፖሊቴክኒክ ኮሌጅ መጀበኛ ስልጠና በISO ስርዓት ለመጀመር ውይይት ተካሄደ
የ2019 ዓ.ም የሳውላ ፖሊቴክኒክ ኮሌጅ መጀበኛ ስልጠና በISO ስርዓት ለመጀመር በዞንንግ በተመረጡ በ5 ዲፓርትመንት የጋራ ውይይት የተቋም ዲን ባወያየው ውይ...
የ2019 ዓ.ም የሳውላ ፖሊቴክኒክ ኮሌጅ መጀበኛ ስልጠና በISO ስርዓት ለመጀመር በዞንንግ በተመረጡ በ5 ዲፓርትመንት የጋራ ውይይት የተቋም ዲን ባወያየው ውይይት በተገኙ አሠልጣኞች እና የተቋሙ የሬጅስትራር ተጠሪ በጋራ በመሆን ገንቢ ሀሳቦችን በማንሳት የጋራ ውይይት ተካሄደ
News
እንኳን ለአዲሱ ዓመት አደረሳችሁ!
እንኳን ለአዲሱ ዓመት አደረሳችሁ!
ውድ የሳውላ ፖሊ ቴክኒክ ኮሌጅ ቤተሰቦች፣ የኮሌጃችን ተማሪዎች፣ አሰልጣኞችና ሠራተኞች፣ ወላጆች፣ የኢንዱስትሪና የሥራ...
እንኳን ለአዲሱ ዓመት አደረሳችሁ!
ውድ የሳውላ ፖሊ ቴክኒክ ኮሌጅ ቤተሰቦች፣ የኮሌጃችን ተማሪዎች፣ አሰልጣኞችና ሠራተኞች፣ ወላጆች፣ የኢንዱስትሪና የሥራ ዓለም አጋሮቻችን፣ የአካባቢያችን ማህበረሰብ እንዲሁም ለኮሌጃችን ልማት እና እድገት አስተዋፅኦ ለምታደርጉ ሁሉ፤
በመጀመሪያ እንኳን ለአዲሱ ዓመት በሰላም፣ በጤናና በደስታ አደረሳችሁ ማለት እወዳለሁ። አዲሱ ዓመት ለእያንዳንዳችሁና ለቤተሰቦቻችሁ የሰላም፣ የጤና፣ የተስፋ፣ የብልጽግናና የስኬት ዓመት እንዲሆን ከልብ እመኛለሁ። ያለፈው ዓመት ለእኛ የትምህርትና የሙያ ስልጠና ሥራችንን ለማጠናከር፣ የተማሪዎቻችንን ብቃት ለማሳደግ፣ ከኢንዱስትሪና ከሥራ ዓለም ጋር ያለንን ትስስር ለማጠናከር እንዲሁም የኮሌጃችንን የጥራት ሥርዓት ለማሻሻል በርካታ ሥራዎችን የሠራንበት ዓመት ነበር። ለዚህ ሁሉ ስኬት የኮሌጃችን ማህበረሰብ ያሳየውን ትብብር፣ ትጋትና ቁርጠኝነት ከፍ አድርጌ አደንቃለሁ።
የኢትዮጵያ የቴክኒክና የሙያ ስልጠና ስትራቴጂ በጥራትና በተግባር የተመሠረተ ስልጠናን፣ ከሥራ ገበያ ፍላጎት ጋር የተጣጣመ የሙያ ብቃትን፣ የሥራ ዝግጁነትን፣ ሥራ ፈጠራን፣ የቴክኖሎጂ ሽግግርን፣ ምርምርና ፈጠራን እንዲሁም ከኢንዱስትሪ ጋር የተጠናከረ ትስስርን በአጽንኦት ያስቀምጣል። ይህ ስትራቴጂ የTVT ተቋማት ተማሪዎችን ብቻ የሚያሰለጥኑ ተቋማት ሳይሆኑ፣ ለኢንዱስትሪ፣ ለማህበረሰብና ለሀገራዊ ኢኮኖሚ የሚያበረክቱ፣ የሚያድሱ፣ የሚያመነጩና የሚያስተላልፉ የክህሎትና የቴክኖሎጂ ማዕከላት እንዲሆኑ ያበረታታል።
ስለዚህ ሳውላ ፖሊ ቴክኒክ ኮሌጅም በአዲሱ ዓመት ከዚህ ሀገራዊ አቅጣጫ ጋር በማጣጣም ብቁ፣በፈጠራ ክህሎት የተካኑ፣ ሥራ ፈጣሪ፣ ተለዋዋጭ የሥራ ዓለምን ለመቋቋም የተዘጋጁ ዜጎችን ለማፍራት የሚያደርገውን ጥረት የበለጠ ያጠናክራል። በተለይም ስልጠናችን ከኢንዱስትሪ ፍላጎትና ከሥራ ገበያ ጋር እንዲጣጣም፣ ተማሪዎቻችን ከቲዎሪ ባለፈ በተግባር የተመሠረተ ብቃት እንዲያገኙ፣ የኢንዱስትሪ ትስስርን፣ የሥራ ላይ ስልጠናን፣ የቴክኖሎጂ ሽግግርን፣ ምርምርና ፈጠራን እና የሥራ ፈጠራ ባህልን የበለጠ ለማጠናከር በጋራ እንሰራለን።
ከዚህ ጋር ተያይዞ ኮሌጃችን ISO 21001:2025 የትምህርት ተቋማት የአስተዳደር ሥርዓት (Educational Organizations Management System-EOMS) ትግበራን በቁርጠኝነት እያስፋፋ ይገኛል። ለእኛ ISO 21001:2025 የምስክር ወረቀት ለማግኘት ብቻ የምንተገብረው ሥርዓት አይደለም። የጥራት ባህልን በኮሌጃችን ውስጥ ለመገንባት፣ ተማሪን ማዕከል ያደረገ አገልግሎትን ለማጠናከር፣ የሥራ ሂደቶችን ለማሻሻል፣ ተጠያቂነትን ለማሳደግና ቀጣይነት ያለው መሻሻልን የእለት ተዕለት የሥራ ባህላችን ለማድረግ የምንጠቀምበት መሣሪያ ነው።
ውድ የኮሌጃችን ቤተሰቦች፤ አዲሱ ዓመት የተሻለ የምንሠራበት፣ የበለጠ የምንማርበት፣ የምንፈጥርበት፣ጅማሬዎቻችንን አጠናክረን የምናስቀጥልበት ዓመት ይሁንልን። እንደ ኮሌጅ መሪ በእናንተ ትብብር፣ በችሎታችሁና በቁርጠኝነታችሁ ሙሉ እምነት አለኝ። በጋራ ከሰራን የሳውላ ፖሊ ቴክኒክ ኮሌጅን የተሻለ የትምህርት፣ የክህሎት፣ የቴክኖሎጂ፣ የፈጠራና የኢንዱስትሪ ትስስር ማዕከል ማድረግ እንችላለን።
እንኳን ለአዲሱ ዓመት በሰላም አደረሳችሁ!
አዲሱ ዓመት ለእያንዳንዳችሁ፣ ለቤተሰቦቻችሁና ለመላው የኮሌጃችን ማህበረሰብ የሰላም፣ የጤና፣ የብልጽግና፣ የእድገትና የታላቅ ስኬት ይሁን።
መልካም አዲስ ዓመት!
አቶ ጊንዳ ባህሩ
ሳውላ ፖሊ ቴክኒክ ኮሌጅ ዲን
2019 ዓ.ም